kya ho raha hai mujhe mere khuda.......sunn si ho gai hu main aur mera vajood....main hu ki nahi...ya sirf hai....ek khokhli dastaan....mere raaste sunn ho gaye hain...ankhon me ab ansoo bhi sunn ho gaye hain.....dil main armaanon ke panchhi ke par bhi sunn ho gaye hain....kahin kuch khoya hai kya....ya maine sach mian kuch paaya hi nahi hai.....kya ho raha hai...kya ho raha hai khuda.....
insaan ka shareer to hai par..main baaki insaanon ki tarah kyu nai reh gai hu....kyu muje lag raha hai ki sab kuch band ho raha hai....ek ajeeb sa sannata hai......khwahish , use paane ka jazba, zindagi main kuch kar dikhane ka, maksad pane ka hounsla, sab kahan dhund main kho gaya...
ye main hi hu na ae mere khuda...jise tune is jahaan main bheja tha...
.par kya kare...ye zindagi.....sunn ho gai hai......
har din aise guzar jata hai ki khabar nai lagti.....shab aa hi jati hai akhir.....
ae mere khuda..bata de mujeh akhir teri marzi kya hai....meri is zindagi ki marzi kya hai?
kyu sab se choot raha hai mera vassta..? kyu andar hi andar simat raha hai vo junoon...
main chahti hu ki main apni is zindagi ko sahi tarah se fir se jee saku..bas...yehi maanga tha tujhse...
kabhi kabhi samajh nai aa paata ki kya ho gaya hai...sab kuch sunn lagta hai kabhi....jaise zubaan hi kat gai ho sabki.....ae khuda....tu hamesha apne nek shabd mujeh kehta rahe....mujhe ehsaas hota rahe ki tu sunn nai hai..ki.
mera khuda be-sunn hai...aur muje sun raha hai..meri museebat ko sun raaha hai aur muje keh raha hai...sabr kar....khud se ishq kar, khud ke andar ke khuda ko zinda rakh aur
usse beintehaa ishq kar.....fir sab or harkat hi hogi...aahat hi aahat hogi aur roshani hi roshani hogi ...................................
No comments:
Post a Comment