Continuing to share collection of selected deep shayris:
1.
"tere ḳhayāl meñ kuchh aise gum rahā barsoñ
maiñ apne aap se bhī mil nahīñ sakā barsoñ
kahā thā tum ne ki tum lauT aaoge ik din
so maiñ jahāñ thā vahīñ par khaḌā rahā barsoñ
kahīñ vo zā.iqa tahlīl hī na ho jaa.e
maiñ us se mil ke kisī se nahīñ milā barsoñ
tamām 'umr mirī yūñhī rā.egāñ guzrī
koī bhī kaam nahīñ Thiik se huā barsoñ
kisī ke haath kī dastak kī aas meñ 'maz.har'
maiñ apne ghar se kahīñ bhī nahīñ gayā barsoñ"
2.
"jab koi fikr hi na farmaaye
kya ye dil haal-e-dard batlaaye
kya tha jo keh nahin diya humne
kya tha jo aankh tak nahin laaye
kitna wu’sat hai is tamanna mein
tu meri khamoshi samajh jaaye
hum teri justaju main nikle the
aur phir laut kar nahin aaye
umr karni thi tere dar pe basar
shayad ab raah mein guzar jaaye.."
Arsalan Abbas
https://www.instagram.com/reel/DdtnVJUIRG1/
3.
"Meri khwahish hai ke main phir se farishta ho jaun
Maa se iss tarah lipat jaun ke bachha ho jaun
Kam se kam bachhon ke honton ki hasee ki khatir
Aisi mitti me milana ke khilona ho jaun"
--Munawwar Rana
4.
"main vo kitaab hu jise koi padh na saka
main vo khwab hoon jo haqeeqat mein dhal na saka,
sabne chaaha mujhe apne matlab ki had tak
koi mere dard ki gehraai tak utar na saka
dil main toofan kai utthe rahe khamoshi se
magar koi meri ankhon ko padh na saka...”
https://www.instagram.com/reel/DdejLCNzuly/
5.
"soch raha hoon jung chhidi to bazaaron ka kya hoga
bandookein to bik jayengi, guldaston ka kya hoga
aaj abbu ne khaas diya to ek ajeeb khayal aaya
chhat ke yekdum gir jaane se deewaron ka kya hoga?”
-Husain Haqqani
https://www.instagram.com/reel/DbJS2EqIuIL/
6.
"bana huwa tha kahin aabdaan kaagaz pe
thi itni pyaas ki rakh di zabaan kaagaz par
tumhare khat mein nazar aayi itni khamoshi
ki mujhko rakhne pade apne kaan kaagaz par"
https://www.instagram.com/reel/DddQOJ3T7NU/
7.
"tere sataye huye log zarf waale hain
hazaar shikwe hain lekin labon pe taale hain
Darasl main ne mashaqqat nahin mohabbat ki
Hatheliyon pe nahin mere dil pe chhale hain"
-Ismail Raaz
https://www.instagram.com/reel/DcbbrOFR-8x/
8.
"jab khizaan aaye to patte na samar bachta hai
khaali jholi liye viraan shajar bachta hai
nuqta-cheen shauk se din raat mere aib nikaal
kyunki jab aib nikal jaaye hunar bachta hai"
Rehman Faris
https://www.instagram.com/reel/DdsjJ4RNhYB/
No comments:
Post a Comment